📍泰潮 (中環)
中環嘉咸街7號地舖
-----
⏰最近大部分時間都Work from home，B仔同家姐係屋企都悶到不行，所以就冒住比阿媽鬧嘅危險，夜晚近近地去咗屋企附近食呢間我之前有食過嘅超抵米芝蓮泰菜，過下鋪出街癮。黎到之後我地諗都唔諗就叫返我地常叫嘅2人餐😁，貪佢夠抵食又豐富，前菜、湯、飯、肉、咖喱、菜同甜品都有齊曬，賣單兩個人都唔使$300🤩。
-
#冬陰功湯：傳統泰式火鍋爐不斷加熱個湯，所以一路飲都非常熱辣辣，湯底材料好豐富，有番茄🍅、蝦🦐、秀珍菇、貢丸同香蔥等，酸中帶辣，辣中又帶鮮，醒神開胃。
-
#泰式炸蝦餅拼春卷：蝦餅同春卷都係新鮮炸起，記得擺番一陣先食，如果唔係會頗為燙口。蝦餅彈牙又扎實，帶微微香葉味。而春卷內餡則以蔬菜為主，食落感覺輕盈。🥢
-
#泰潮海南雞：佢哋最出名嘅海南雞比得一啲都唔手軟，2人份量多得驚人。🐥雞肉食落嫩滑有雞味，雞皮皮下肥脂肪唔多，卻有一層膠原感滿滿的上湯啫喱，呢個價錢黎講算係好出色。
-
#雞油飯：🐣雖然呢度海南雞最出名，但其實B仔更愛佢嘅雞油飯，吸盡雞油精華嘅飯粒，味道香而清，粒粒分明，乾爽唔油膩，連我呢啲唔鍾意食飯嘅人，竟然都可以成碗食晒。
-
#泰式咖喱蝦球：三色椒脆度適中，🦐蝦球雖然蝦味不足但質感爽口，薯仔入口即化，而咖喱汁底濃稠得黎又唔會辣得嗆喉，屬拌飯佳品。🍛
-
#泰式蒜蓉炒雜菜：明明可以簡簡單單炒碟菜就算，偏偏廚師連炒個菜都好用心，用料非常豐富，有草菇、西蘭花、芥蘭、木耳、粟米芯同椰菜等，蔬菜炒得脆身之餘，亦甚具鑊氣。🥦
-
#椰青果凍：質感介乎啫喱同大菜糕中間，清甜爽口，食到極飽之後，再黎個咁清新解膩嘅甜品，確係令人感到身心舒暢。🥥
-----
👶🏻B仔整體評價：8.1/10個👍🏻
👶🏻B仔抵食程度：8.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcentral
泰式咖喱蝦球 在 簡易食譜Christine's Recipes - ChristineHo | Facebook 的推薦與評價
【泰式紅咖哩蝦球】- 快靚正泰式咖哩，惹味又多汁。一煮就成。佐飯一流。 #簡易食譜#基斯汀食譜完整食譜在這兒▷ http://bit.ly/353ZrdT. ... <看更多>