《 #巧愛媽媽 — #非好物分享 #初生 篇2》
上次《非好物分享—初生篇》引起媽媽們熱烈討論，諗諗下發現仲有，所以要出篇續集繼續討論，#加固 篇要留待再下一次喇😆
第四位：#暖奶器
想坐暖枝奶或者冷卻D奶，可能會用到暖奶器，一部機大約$300。其實用D適當溫度既水加個碗就做到相同效果，$0。
第五位：#濕紙巾加熱器
唔想冬天抹pat pat時凍親BB，其實用暖水加棉片就做到。
第六位：#爽身粉
長期吸入爽身粉，對BB鼻仔唔係咁好，有機會增加鼻敏感機會。用 #潤膚膏 會比較適合。另外，BB汗腺較密，容易出汗，所以唔駛學D老人家講，幫BB著好多衫，保持清涼同乾爽就最perfect。巧兒係6月B，我地當時住間屋冇乜涼風，所以6-10月都keep住開少少冷氣，佢成個初生時期都冇出過 #紅疹 或 #皮膚敏感。
第七位：#水溫計
新手父母驚沖涼時水溫太低或太高，會用水溫計預備一盤37度既水比BB沖涼。爸爸媽媽應該要對自己既皮膚感溫系統有信心，你覺得舒服就OK，如果唔肯定，就涼少少都好過太熱。沖涼時間最好揀返下晝時間，比較暖，唔駛冷親。
第八位：#浴網
有朋友送左個浴網比我，但一次都冇用過，新手父母驚既話可以放少D水先，同埋就算真係跣手，你抱返起佢就OK，個度係浴盆，唔係大海。#陪月 教我 #手指環狀扣實 巧兒BB距離我個身較遠個隻手臂，真係OK。
第九位：#包腳連體衣
我自己冇買過，朋友送左兩件，著上身係幾cute，但BB大得太快，包腳設計，身長多少少就已經唔岩著。另外，拉鍊連體衣由上身開始拉拉鍊，換片時上身會凍。夏天出世既初生BB，著片片加件長身少少既 #和尚袍 已經OK，冬天BB就加返底衫同褲仔。
第十位：#嬰兒棉花棒 （尖頭棉花棒）
陪月教我唔駛買，佢話所有產品，一加「嬰兒」兩個字，價錢就貴好多，其實普通棉花棒，洗乾淨對手，用之前摔兩下就OK。
BB出世，尤其 #第一胎，父母都會嚴陣以待，如果金錢同空間有限，就需要 #買得精明，如果金錢同空間無限，想買晒全部都一樣可以。再重申，每個家庭都有自己既考慮同習慣，每件產品都可能有忠實用家。純粹個人分享，歡迎討論。
#babyellie619 #daniellemama #湊巧有本育兒經
其他好文回顧
⭐️想睇返第一位至第三位，請到《巧生活—非好物分享 初生篇》https://bit.ly/32TuV7e
《巧生活—面試短片》https://bit.ly/38rbHHo
《巧愛閱讀—走進故事中》https://bit.ly/2uWLgvi
《巧愛閱讀—愛上閱讀》https://bit.ly/2vM3zDZ
——————————————————
❤️Like Facebook專頁《湊巧有本育兒經-Danielle Mama》一齊分享同討論育兒話題啦！
湊「巧」有本育兒經－Danielle Mama
濕紙巾加熱器 在 請問一下~~有用過Combi 濕紙巾加熱器??? - Mobile01 的推薦與評價
因每次要替小baby擦屁屁的時候~~濕紙巾都是冷的~~都要去用熱水或溫水柔一柔~~才去幫寳寳擦屁屁~~最近在網路上看到有Combi 濕紙巾加熱器~~另外有看到奇 ... ... <看更多>