羅賓漢行動終於來到第三位仗義支持的廣告客戶--- Phoenix Sweets，係一間在中環PMQ和有online shop的蛋糕店。
說到Phoenix Sweets，很典型的創業故事，老闆娘叫Phoenix，自然是Phoenix Sweets。以前老一輩的人做生意，店名都是自己名，意思很簡單，就是押上了自己的名譽跟你做生意了，我相信品質是有保證的，總比那個總是拿自己死鬼爺爺名義作為賭注的日本名偵探要好。
很多人談及創業，以為好有型好瀟灑，錯了，如果你冇daddy又冇sugar daddy，真係十萬個折墮。打工自己知每個月幾時出糧，但創業係你隨時唔知自己幾時再要貼錢。Phoenix在創業期間，什麼都是自己一手一腳做，接到大型商業活動單或是過時過節等旺季，工場裡放滿了貨，搞到只能在走廊上擺塊發泡膠就訓，訓醒又再做，邊度有型又邊度瀟灑？好不容易，捱到可以上樓，就在中環PMQ開了店，總算叫做上了軌道。
你以為從此就過著甜蜜美滿的生活？都錯了，Phoenix呢篇文我十月中其實已經寫好，當時我查核佢地digital reputation，百幾個評價裡面得廿零個負評，但早兩日再睇，負評兩日內突破左80個，點解？因為突然間多左一大班來自南美account俾負評。沒辦法，不招人妒是庸才，原先我未試過佢啲餅都仲有點擔心，依家有負評打手加持，我反而覺得很放心幫佢推廣。
關於Phoenix產品最大的特色，我得到的回覆是：我們的cupcake蛋糕很好吃，而且手作糖花蛋糕也很精緻，現在社會有個怪現象，就是賣相比味道更重要，甚至有些人預算用完拍照後，就把食物扔掉。
當依家全世界都玩3D cupcake、卡通款、甚至可以印自己個樣上去俾人食（而我覺得呢件事好odd），好多人買cupcake都係貪個賣相拎黎擺，影完相就算，仲衰過簽呀洪欣返黎唔捧紅佢。其實不如水晶膠加雙氧水撩個字咪算囉，何必浪費食物呢？作為一個資深吃貨，世上最糟糕的事情就是收到一件好睇唔好食的甜品，我食又唔enjoy，扔左佢又覺得悲哀，結果天人交戰掙扎一番後，都係勉強自己食埋佢。
我相信大家都有食過嗰啲用premix粉開出黎嘅蛋糕，其實唔係難食，只係唔好食姐。Phoenix Sweets的蛋糕係用蛋糖同麵粉去做，伯爵茶口味真係煮茶葉去整。我相信真材實料做出來的，味道一定唔會差。當佢同我講產品主要係打中產路線， 12件裝的Mini Cupcake Set賣180蚊，除返開15蚊一粒，我以前中環返工，都唔講樓下Cova，淨係地鐵站間美Ｘ都十幾蚊件西餅啦，相比之下，價格尚算貼地。
Phoenix話好多人買佢嘅cupcake同曲奇黎做散水餅。的確，好多人離開公司都想好頭好尾，買連鎖店嘅略嫌冇誠意，買得太貴又肉赤，所以中價小店黎講，算係一個好選擇。我個人認為就唔駛等散水先買，做大佬大家姐嘅，完左個project、Happy Friday，得閒請下自己條team食件餅，大家做野條氣都順啲啦。
最後，再次感謝他們支持羅賓漢行動，也很感謝他們願意當白老鼠參與呢個計劃，要是你或你認識的朋友想買生日、結婚和百日宴蛋糕、cupcakes，你可以請他們考慮一下這間善良的小店，再不然到他們的facebook page裡按個like，以示支持吧！
最後的最後，我介紹得當然有cross promotion，大家可以喺online store用discount code "mrwifelondon"買 Mini Cupcake Set/Cupcake Party Set ，到時會有10% off， 請在11月30日前訂購哦～！
網址：http://www.phoenixsweets.com/
Facebook: https://www.facebook.com/PhoenixSweets/
#我手多check佢地專頁六萬個likes
#貨真價實冇買粉絲
#小店黎講佢地真係好努力
#你試下儲六萬個真粉絲俾我睇
#揀甜品同揀男人一樣
#好睇又好食係完美
#但好食一定緊要過好睇
#但魚與洋腸真係好難兩者兼得
#所以呢個世界有魚肉腸
#搞下gag姐
#羅賓漢行動
#癡線真係有人陪我癲
#拿你收唔返成本唔關我事架
#你睇唔睇到最後一張圖佢搵我時嘅自我介紹
#成件事熱血到一個點
#呢篇文我其實寫左8個鐘
#我hea寫你真係會俾雷劈
糖花蛋糕 在 Taipei Sugar Art 糖藝術工房-翻糖, 糖花, 糖霜, Wilton/PME ... 的推薦與評價
Taipei Sugar Art 糖藝術工房-翻糖, 糖花, 糖霜, Wilton/PME蛋糕裝飾 · 這是有史以來，最安靜、最認真的一班 ， 各位老師都很專注地做作品， 四天的公民營，除了中午 ... ... <看更多>