為食花太郎 Fafafoodblog
#fafafoodblog雞煲 #fafafoodblog中菜
#fafafoodblog荃灣
<荃灣唔錯既大排檔>👍🏻
荃灣好多野食 曹公坊呢區都係 呢間 金記以前食過外賣覺得唔錯 今次試下堂食 整體 覺得佢既煎炸野好味 辣野一 dd . 但大部分係高過 average . 環境大排檔茶記格局 當然有冷氣 同朋友食下小炒 飲下啤酒係唔錯既選擇
🍴灼魚皮🐟🔥
魚皮食左幾舊先影 其實份量足料 凍食既魚皮 爽口彈牙 而且比較厚身 葱花減走少少腥味 再加埋有少少 麻辣香 幾入味🌶️
🍴豉椒炒蜆🔥
D蜆幾新鮮 冇沙 蜆肉彈牙 個豉汁比較濃稠 減度適中 唔錯
🍴西檸雞 🐤
雞肉炸得 出面夠香脆 入面雞肉彈牙 檸汁比較太甜 我鍾意檸檬味重 d . 🍋 醬汁見仁見智
🍴黑椒鐵板豬手🐖
豬手大大隻 肉切成正方形上枱熱辣辣🐷豬皮幾爽 豬肉個肉味幾濃 個黑椒汁比較濃同甜身 但我覺得黑椒味重 d正 d. 就甘撈飯都唔錯
🍴水煮魚雲🐟
好足料既魚雲 魚肉彈牙 好香滑 而且個辣汁好入味 🌶️但佢個味唔係四川式 唔太夠麻香 甜味比較多 如果可多 d胡椒更好 入面仲有好多芽菜 食同望落都豐富
🍴通菜炒牛肉🐮
通菜上色靚又新鮮 牛肉係滑牛 茨粉剛好 牛肉彈牙 加埋蒜椒夠惹味🌶️重點係鑊氣 呢個正
🍴避風塘茄子🔥🍆
茄子好足料切成長方狀好多 避風塘夠多蒜葱辣椒🌶️夠咸香同辣 用少少撈飯正 而佢既茄子外表夠乾身 入面軟林熱辣辣 好夠鑊氣 送啤酒一流
🍴椒鹽白飯魚拼豆腐🔥🐟
之前都講過佢煎炸野正 呢個都係 佢個豆腐細細粒 出面整得好香脆又夠薄 入面好軟滑而白飯魚出面層粉夠脆 咸味夠 再加埋白飯魚粉身既口感好味👍🏻
🍴胡椒豬肚湯 🐖
好大煲足料加分 豬肚好多 洗得夠乾淨 口感爽口 仲有榨菜 葱花調味 湯濃度適中 但如果胡椒味再重 d更好
🍴炸魚片頭魚肉春卷 🐟🔥
估唔到大排檔有呢 d野食😂 魚肉春卷出面層皮有 d似腐皮卷 入面帶 d魚膠 同魚肉 魚肉味都算出 口感幾好 , 魚片頭最緊要夠香脆 入面帶 d香咸既魚肉
點 d甜酸醬都唔錯🐟
🍴麻辣手撕雞🐥
半隻雞都幾多分量 凍食既雞肉夠嫩滑 充滿芝麻香 再配少少麻辣味十分唔錯
🍴麻辣鴨腎🦆
鴨腎個口感好好彈牙得黎又唔會硬 睇色澤都知新鮮 而且會麻辣汁好香麻辣味 同鴨腎好 match正🌶️
🍴辣子雞🌶️🐥
大大碟辣子雞 雞肉大細適中 好夠鑊氣 蒜香同乾辣椒既味炒得好入味 所以雞肉食落好香👍🏻 而且入面熱辣辣 好啱配冰凍啤酒
🍴水煮牛肉🌶️🐮
個牛肉大件同足料 牛肉爽口入味 水煮醬汁 唔算好辣 個人覺得有 d甜 如果多 d麻辣香更好
🍴小炒王🔥
韭黃色澤靚 辣椒花生腰果 乾魷魚🦑 炒得好乾身夠惹味 連埋魷魚炒好夠鑊氣 送酒正
🍴咕嚕肉 🐖🔥
夠鑊氣既咕嚕肉 所以佢出面嗰層甜酸汁有 d凝固左 好夠味 豬肉帶 d香脆 入面豬肉 juicy熱辣辣 唔會整得太乾 唔錯👍🏻
#中菜 #豬手 #大排檔 #小炒王 #魚片頭 #咕嚕肉 #水煮牛 #春卷 #雞腎 #胡椒豬肚 #魚皮 #炒蜆 #西檸雞 #通菜 #牛肉 #茄子
Score 平均分< 7.8/10>
Taste 味道：👍🏻👍🏻👍🏻👍🏻
Present 外觀：👍🏻👍🏻👍🏻👍🏻
Decor&Hygiene 環境衞生：👍🏻👍🏻👍🏻👍🏻
Value for $ 性價比：👍🏻👍🏻👍🏻👍🏻
Service 服務：👍🏻👍🏻👍🏻👍🏻
~~~~~~~~~~~~~
#金記海鮮飯店
荃灣曹公坊 21 號地下
~~~~~~~~~~~~
#fafafoodblog #為食花太郎 #fafafoodblog荃灣
=====================
🙂温馨提示🙂
Fb like左 page都睇唔到<通知>
若果大家想睇到多d唔同既美食
👇🏻👇🏻👇🏻👇🏻👇🏻
除左like 請做多一個步驟
[like] 左 👉🏻<追蹤中/Following> 👉🏻<搶先看/See First>
多謝大家支持！🤓🤓
歡迎喺唔同平台觀賞fafafoodblog
Fb📒: fafafoodblog
Ig🖍: fafafoodblog
Openrice 🍚: 花太郎
任何美食😋歡迎inbox 我 , 等我食完開心share！🤓
荃灣凍肉檔 在 老字號革新53年荃灣凍肉檔與時並進賣完凍魚再賣凍肉賣埋氣炸 ... 的推薦與評價
老字號革新53年 荃灣凍肉檔 與時並進賣完凍魚再賣凍肉賣埋氣炸芝士撻#地區小店 飲食男女Apple Daily. 籽想再會. 籽想再會. 7.13K subscribers. ... <看更多>