《增強免疫力護心食譜- 三文魚蕃茄大麥飯》😋
最近抗疫，做運動有助提升免疫力！大家有在家做瑜伽和運動嗎？如果有，不妨考慮多食三文魚！因為當中有豐富奧米加三脂肪酸、維他命D、抗氧化物蝦青素、優質蛋白質，可以加速運動後肌肉組織修補復原！仲可以增強免疫力添！💪🏻💪🏻
今次我配上日本好受歡迎嘅Superfood - 大麥barley！大麥嘅纖維比白飯高10倍，比藜麥亦高約一倍，有助預防便秘、降膽固醇，更有助提升抵抗力添！
不過大麥本身完全冇味道，所以今次我就加咗金寶番茄蜆肉意粉醬，當中有1/3係蕃茄，仲有蜆肉、蒜頭、九層塔、牛至、黑胡椒，咁就唔需要買咁多材料啦！零技巧零失敗！
放心，我真係睇過呢罐冇防腐劑、冇味精、冇增味劑、冇色素、低脂，先用㗎咋！我仲要屋企人再三試味， 覺得好味先介紹個食譜俾大家！
最近抗疫期間，好多「無飯煮婦」都被迫下廚，用罐頭就簡單方便，大家不妨參考下😉
材料：
三文魚 150克
大麥（barley) 50克
洋蔥 半個
番茄蜆肉意粉醬 1/3罐 （100克）
罐裝粟米粒 50克 （3湯匙）（可略）
清水1-2碗
橄欖油 2茶匙
黑椒 1/2茶匙
做法：
1. 三文魚洗淨，抹乾，灑上黑椒，備用。
2. 洋蔥去衣，切細粒。
3. 在易潔鑊中下一茶匙橄欖油，開細火，慢火炒香洋蔥至軟身。
4. 加入大麥和粟米粒炒勻，再加入金寶蕃茄蜆肉意粉醬和一碗滾水，煮約15分鐘至大麥變軟身煙韌。期間偶爾攪拌，有需要再加入滾水拌勻。
5. 同一時間，在另一易潔鑊中下一茶匙橄欖油，開中火，把三文魚煎成自己喜歡的熟度。
6. 將煮好的大麥盛在碟上，再將三文魚放在上面，即可享用。
#合作文 #合作一定誠實話俾大家聽
#懶人食譜 #零失敗
#無防腐劑 #冇味精 #冇增味劑 #冇色素 #低脂
#鹽分都合格
#健康都要好味
#金寶湯 #揭開滋味鮮境
蕃茄蜆肉意粉 在 蕃茄白酒蜆肉意粉 ... - Isti dining table 的推薦與評價
蕃茄 白酒蜆肉意粉 作為海鮮愛好者，超喜歡蜆肉意粉！ ... 忌廉的蜆肉意粉，實在太震撼 還是自己煮最合口味，而且用新鮮大蜆煮汁，鮮甜好吃好多✨. ... <看更多>