無啦啦又賴我。拿拿拿，我話政工作者做KOL會出事咋。但佢地唔聽，好中意呃like 丫嘛。咁由得佢地呃囉。
你講佢地做得唔好，哦～～～ 你係鬼。
咁叻，做咩唔幫佢做埋呀？
喂阿哥，我好忙架，做咩要幫人度野？我度野收錢架。我個人，好簡單，同做議員一樣，「收到票，我就做」。收唔到票，就唔好叫我做。
呢一點，我估大家均真d啦。
早排見到 banner 點解我唔出聲？費事做醜人囉。仲唔畀人係d whatsapp group 屌唔夠呀？ 夠架啦。等 倫敦人妻先生手記 慢慢同你班黃絲玩。
順手講個故仔丫，我有兩個親戚，定係選舉之前問我，點投好。我次次都唔答佢地，我叫佢地自己揀。今次，佢話：「我冇投票呀，揀唔落手。」點解會咁？
唔好問我。我剩係知道，好多朋友，寧願揀方國珊。社會風向轉左，d 政治KOL唔做野，剩係識圍埋屌人，都幾有趣。
有關泛民四席輸兩席，我第一時間，係忍手唔出文，趁我人在英國有八小時的時差優勢，可以訓一覺等頭腦冷靜啲再寫。
首先，一如以往，本土派第一時間被拿出來祭旗，左一句無盡力、右一句唔幫手拉票，講到本土派見泛民Hihi就最開心咁。但我想講嘅係，其實唔關本土派事，如果本土派唔幫你含，你新界東那裡來的兩萬票大勝？說穿了，本土派班細路就係一班有被虐待傾向的矯情小賤人，佢地口講焦土、話想做港豬，但面對大是大非，始終良心過不去，一面唱歌容祖兒的「喜歡你待我薄情、喜歡你為人冷酷」，一面為你含淚。只要佢地一日仲有睇報紙、一日仲繼續關心香港，呢班幻想自己可以笑傲江湖的深本土「任我含」，會是會繼續精神焦土，但默默為你投票。
有人的地方就有江湖，燕赤霞跑到蘭若寺也逃不了，更何況你還身在香港？
而最正嘅係，當泛民輸了，第一時間又繼續鞭打本土派，而本土派又繼續口口聲聲大叫焦土。起初我有想過為深本土派的朋友說句委屈，但家家有本難唸的經，似乎這種家暴老公與嘴硬妻子的戲碼，大家也樂在其中，我作為非本土派的死八婆，就別管人家好了。
你真正流失的，是淺本土派和對你的家暴看不過眼的中間游離選民，類似美國大選「搖擺賓州」嗰班（笑）。
我之前寫文有講過，初選後會出現口和心不和的狀況，完美反映在姚生的成績表上，民協的票倉流失巨大，那怕民協嚥得下這口氣，叫大家投票，各民協粉絲又那裡坐得住？結果齊齊望下哥基，又望下個大屁股：Go kiss my ass 啦！
話不可以說盡、勢不可以去盡，凡事太盡，緣份勢必早盡。尤其是明知對方在初選後要合作，就唔好打得咁大力啦，不過泛民就係咁，只要唔同路，就會出盡力打、往死裡打，打完又會期望對方支持。但很抱歉，民協班選民可不同本土派班細路，佢地真係可以衝冠一怒去食飯，然後一票不投，佢地做得出架。
其實唔好賴人，乖，大個仔架啦。
指責別人前，先想想自己的推廣做成點，街站輸人輸陣、旗海及各式推廣出得又少又遲，泛民加DQ係有光環，但有光環唔係大曬，你空降已經打左折扣，再望下圖四自己啲banner出成點樣？
睇新聞話姚生係睇重網上選情，所以below-the-line推廣放軟手腳，我想講嘅係：咁你呢鋪真係抵打手板。
你望下自己個選舉專頁？個個post一百幾十個留言，你回左幾多個？街站嫌老套兼浪費資源唔擺都算了，但網上留言，等同街站有選民同你傾計，你的處理方法竟然係直接無視？！家陣啲選民欠左你架？那怕我不求於讀者，我一日起碼回一個鐘留言，無錯，係一個鐘，食緊飯回，去緊廁所回、等升降機時回。你有求於選民，竟然已讀不回？你唔回，佢地下次就唔會再留言架啦，然後咪越黎越唔engaged囉，說好的溝通呢？
好，我地唔講佢同團隊管理個專頁如何強差人意，我再講網上宣傳，識玩其實可以用專頁直接踩去其他KOL、新聞專頁留言，零成本之餘，仲可以接觸大量選民，留個言幾簡單，但有冇做？冇。至於有冇私底下搵其他KOL叫大家幫手出post、美言幾句？冇。有冇管好自己班粉絲，唔好同圍_票找架打？冇。有冇考慮過自己的網上公關？冇。
咁你同我講主力做網上宣傳？同我做marketing 時，啲西客開完個Facebook 之後走黎問點解無生意有咩分別？咁簡單點解唔做？一係懶一係蠢，一係坐定粒六，諗住自己訓喺度都贏。
結果，咪訓喺度囉。
健吾 姐姐成日話政客唔可以當自己係KOL，我覺得當KOL咁玩都唔係大問題。問題嘅重點係你連點做KOL都唔知，我真係唔知點幫你好。
#一口氣婊晒全世界
#群嘲
#出師婊
#呢篇文我想寫左好耐了
#我知我上篇文冇乜點回留言
#我好忙嘛
#我又唔駛向你地拉票
#你由我懶下啦
同文刊於《蘋地》
https://www.facebook.com/appledailyland/posts/160486917948286
被虐待傾向 在 女人都有被虐傾向- 女孩板 - Dcard 的推薦與評價
女人都有被虐傾向. 女孩. 2016年6月16日07:54. 常常都有男生在抱怨對女生很好，結果女生卻喜歡渣男，對女生很好只能被當工具人備胎，對她壞的女生反而愛得要死要活， ... ... <看更多>