【捉賊升職緊要，定蟻民賤命緊要？】
警察搵市民做路障單嘢，難以置信仲有人覺得打住執法嘅旗號，警方不擇手段捉賊係無問題。持呢個意見嘅都係以「慣例」、「塞車都會撞」做理據。
先講慣例，我無佢哋咁廣博，唔知道外國係點，不過我睇親外國公路追逐嘅新聞，都係警車追上去撞停部車，而唔係搵市民參與，成為路障嘅一部分。就算外國習慣妄顧市民安危，咁香港就應該跟？一向都係咁唔係錯誤嘅擋箭牌，求進先有機會做得更好。可惜睇完警方交待，居然聲稱已考慮市民安危，可見佢哋全無悔意，視市民生命作升職踏腳石。
至於塞車都會撞，塞車梗係會撞啦，但係撞落慢駛嘅車同停定嘅車，衝擊力已經唔同，而家警方做法唔係透過控制汽車流量，減慢整體車速，達至塞車嘅效果，而係喺疑犯即將到達時，將所有車輛截停，形成路障，等疑犯無通過嘅空間。做成塞車同做成路障，根本係兩件事。沿途因疑犯經過而受傷，叫無辜，成為路障參與追捕而受傷，叫受害。
最難以理解嘅係好多的士司機都撐警察，都唔知係咪智障。好簡單代入諗一諗，如果嗰幾部路障唔係凌志，唔係VF車牌嘅新車，而係的士，你已經落咗去繼續捉賊喇。又話邊估到個疑犯會衝，正常人會停。喂大佬，正常人俾警察截都會停啦，佢喺拒捕一刻已經表明自己嘅唔正常，仲用正常邏輯去判斷個疑犯嘅行為？
至於有人話俾個賊走咗又屌，梗係屌啦，沿途咁多天眼，又咩八達通紀錄追蹤，又可以Check電訊紀錄跟蹤，部車去邊根本無所遁形，定係打壓政治犯就不遺餘力，捉普通賊就無能為力？
經此一役，對於以後有警員示意停車，真係要求習大大保𧙗，千祈唔好諗住停前啲呀。不遵守警務人員指示係犯罪，我呼籲大家要守法跟從，雖然保險唔包，但死有輕於鴻毛，即使賠償全屬空談，捉賊升職同市民嘅賤命比較，係無得比嘅。
車速與衝擊力 在 車禍時所受的衝擊力/ 安全距離 - Mobile01 的推薦與評價
當裝有安全氣囊的汽車發生車禍時,安全氣囊內的碰撞偵測器會啟動化學反應在1/25秒內充氣完畢. 膨脹速度高於每小時300公里/時因此若被安全氣曩充氣時撞上將會造成極大的傷害. ... <看更多>