[小編介紹👯👯]
呢個page係由四位小編一同經營，介紹同埋分享關於Patrick既資訊消息，希望大家多多支持同like我地既post啦。如果大家想第一手睇到呢個fan page既消息，記得較返「搶先看」，咁就唔會miss左任何野啦！當然Patrick都係admin之一，如果大家發現個post或者留言冇講到係by邊個小編既話，就係佢本尊黎架啦！😍
小編們各自都有工作，未必每日都好快上線post資訊，但都會努力盡快update，希望大家見諒；亦同時希望大家唔好介意我地洗版式post野，因為有時真係好多關於Patrick既野想同大家分享呢！😜
四位小編分別都追隨左Patrick好多年，不如襯呢個時候介紹下比大家認識，等大家可以到時想出function支持Patrick時，方便聯絡我地，認得我地既嘜頭！同時話比大家聽點解我地咁鍾意Patrick啦！❤️💛💚💙💜
－
【小編Ju】
我鍾意鄧生嘅原因，係我11歲嘅第二日睇《閃電傳真機》，入左兩位新主持，其中一位就係鄧生啦，我講左句幾靚仔wow😍介紹完就播左首歌嘅MV（恕我唔記得左咩歌🙇🏻♀）我即時同媽咪講：媽，我多左個新偶像❤，自此日日捕住，閃電傳真機⚡。
因為偶像冇做閃電之後，都好少機會知道佢嘅消息。到佢開始唱歌，我喺偶然之下喺沙田見到佢出活動唱歌，完左我行去後台搵佢簽名，佢一d架子都冇，仲有一個燦爛到極嘅招牌笑容。試問一個10幾歲嘅妹妹點可招架得住😂，然後踏上追星行列。
以前有個Patrick同fans溝通嘅留言板，我記得有一次我耳仔做左小手術，我留言話比Patrick知好痛（其實冇諗過有咩回應）第二日奪鏢簽名會，佢一落車見到我，第一句就問我：Judy妳個傷口仲有冇事，我開心到爆！真係乜野痛都冇哂。另外我記得10年前鄧生同我講過，每次出活動都會聽到我好瘋狂咁嗌🤣🤣🤣鄧健泓係我嘅動力。我成日都會同人講我偶像係鄧健泓，我好鍾意佢架。
好多朋友問過我，佢記唔記得我個名架，我跟左Patrick 16幾年，由第一次佢問我叫咩名，每次佢都會hi Judy，從來都冇忘記過。偶像係世紀級暖男。鄧健泓係一個好低調嘅偶像，唔希望生日大搞，唔想成日搞聚會，唔希望比人覺得佢扮大牌。永遠都會放到自己好埋，默默做默默做。佢就係我嘅榜樣，努力同堅持（我冇佢咁叻）
我由一個大鄉里（新界嘅朋友）出得遠d都冇，自從跟左Patrick之後我去多左好多地方，認識到一班朋友。共同目標：支持我哋嘅偶像，我哋會團結。
【小編蜜蜂】
由Patrick鼠開始認識Patrick，之後呢個兒童節目主持人出左碟，發現佢唱歌幾好聽，跟住又發現原來可以出fun聽下歌搵下靚仔（其實我無諗過自己出過一次之後就變左追星一族🤣）記得當時係維園一個新居入伙嘅宣傳, 記得嗰十日好多人，但都我唔知點解我可以同偶像近距離接觸影到合照仲簽埋CD, 剩係記得佢好nice😍
自此之後就愛上左追星呢個活動，雖然中間我有失蹤過，但我一樣都咁支持偶像架😆
開始返工之後就盡量每人個function都出現，就真真正正認識呢個偶像原來有幾好。
其實每當人問我點解鍾意鄧生我都唔識答，老實講我答唔出當初點解會比佢吸引左，但因為經歷過，所以我知佢會用心關心歌迷嘅事，而且認識愈耐就愈感受到佢對音樂嘅熱誠。可能係因為音樂發現好人品，再因為人品而選擇繼續追隨好音樂，好榮幸可以跟到呢粒星😆😆
【小編精工】
我係睇「閃電傳真機」時已經留意鄧生，心諗：「咦呢個主持又幾靚仔喎」，仲記得想當年TVB 週刊有報名表格俾小朋友(6-12歲)去閃電傳真機做現場觀眾，其實當時我已經超齡，我就借我細佬過橋幫佢報名，然後我就話同佢一齊去，幸好我個樣呃得下人，就係咁就可以第一次見到鄧生，真係好開心。
由嗰時開始就一直都有留意鄧生，不論係唱歌定係電視或者電影嘅演出。我開始真正跟偶像係出咗嚟做嘢之後，雖然我唔係每一次嘅活動都有出席，但係鄧生都會記得我（係開心嘅）。
同鄧生接觸多咗後，鄧生真係一個好nice 又好細心嘅人，對粉絲亦都好好（縱然好多都走數… 哈）～記得前年幫鄧生搞嘅生日會，佢一入到嚟呆咗嗰個樣我都而家都仲好記得，之後仲不斷話我哋「好乞人憎」！（笑）
【小編阿妹】
阿妹此名乃偶像御賜，所以偶像同Sukie會嗌我做阿妹架。點解係阿妹呢？原因就係偶像覺得我好似佢阿妹哈哈哈！能夠得到哥哥既愛護係幸福既！😍
阿妹係由中學年代開始跟偶像，記得果時真係好細個好幼稚，同埋阿媽係唔會比你出咁多街，所以果時一直係小蕃薯，甚至係D嗌唔出名既粉絲，所以斷斷續續有一大段時間係完全失蹤左冇跟過偶像既（講起都好自責）。直至真係開始出黎工作，有返自己既私人時間，終於可以全心全意地重出江湖支持偶像啦！希望唔好覺得太遲啦～🙈
我鍾意偶像D咩？由細到大一直好鍾意聽電台，尤其係903，聽到電台播偶像既歌，果時心諗呢個咪做「閃電傳真機」陪我長大既鄧健泓？又幾好聽喎！而且果時TVB又有佢做既劇集，對呢個男人幾有好感，就開始左呢條不歸路（笑）。想當年既「朋友二號」陪我喊過好多個夜晚，成為我唱K既必唱歌曲。識落左呢個偶像係一個好nice又冇架子既人，縱然有時會「走數」（笑），但我知佢係好錫我地呢班泓粉架！☺️
我好想講我仍然好記得第一次見偶像既情況，係一個sell打遊戲機既function，地點係小西灣藍灣半島，係我自己一個去既，果時我係讀緊中三。我竟然有幸比偶像邀請上台一齊打機！！！真係開心到爆炸！！！重點我係打贏左佢！！！隻game類似街霸果D啦，都係亂chok技chok到個超必出黎就打贏左！之後完左function我竟然又自己膽粗粗跟左班泓粉去等車，仲可以同到偶像合照！（重點我果時個樣除左一個數目字可以形容到之外…同埋多謝果時既泓粉們每次都會曬返相出黎比大家留念呢）真係好難忘～係我咁無聊專記呢D野先記得架咋哈哈哈！😂
－
希望大家睇完呢個post會更加深入認識我地幾位小編啦，小編們會繼續努力為大家服務！多謝你地每一位既支持！💪🏻
(By: 小編阿妹)
阿媽有咗第二個歌曲 在 風雨不改姜濤(MV with lyric) 電影阿媽有咗第二個主題曲 的推薦與評價
風雨不改17/8/2022上架第一天即火速登iTunes, KKBOX雙冠軍。同時，姜濤 歌曲 雄霸iTunes頭1至11位！鐵一般事實，非常難得！ *第41屆《香港電影金像獎》 ... ... <看更多>