關於 香港houseman人工 ，我們在網路上蒐集到這些相關的討論、資訊與評價

一個人有心臟病。

係香港，直送入急症室百八蚊，住院一日百二蚊，是為全包。跟據天書 Houseman Handbook，基本處理方法包括連續做三日心電圖同驗心臟酵素 Troponin、照肺片、驗 CBC L/RFT Fasting Lipids (全血、腎功能、肝功能、膽固醇)、有需要仲驗埋凝血指數。有得心臟病好多時候都會有三高，遲下驗埋血壓血糖。簡單一個糖尿病，斷症都需要做餐前餐後血糖 (AC、PC)，再驗埋俗稱糖尿指數嘅糖化血色素 (HbA1c)。

好基本啫呵？

係登登醫院，就好似之前講，逐樣計錢。其實唔算貴架，一個剔都可能只係幾蚊港紙。唔好意思嘅係，床計錢、心電圖逐張計錢、肺片比完錢再去照。Troponin？唔好意思，無呢個服務。平時醫生係病房收症基本上打「CBC L/RFT」係唔洗經過大腦，但呢七隻英文字母，可能係呢到人嘅幾日人工。睇門診試過一個糖尿病人兜返轉頭搵醫生，問可唔可以唔驗 HbA1c？太貴了。試過有病人返黎同醫生始娘拗交拗左十分鐘，因為張單點解比上次貴左50盧比，折合港幣五個六。香港嘅「順便驗埋」其實代表住啲咩，係呢一度赤裸呈現。

早排係香港曾經有一陣對自身免疫病嘅關注，例如紅斑狼瘡、硬皮症、類風濕關節炎。醫學進步，而家好多用黎診斷自身免疫病嘅指數，ANA Anti-Ro Anti-La Anti-Centromere Anti-Scl70 Anti-RNP，幾個月前讀到我癲。而且，標耙療法延伸到呢啲疾病，係醫管局嘅病人如果符合資格都有機會用到。

係登登醫院呢到醫呢啲病實在易太多啦，因為上述嘅嘢一樣都無。新指數、新療法，而新，即係等於貴。最基本嘅 ANA 都係要拎出去驗。藥？類固醇、甲氨喋呤、金雞鈉，完。同癌症一樣，無錢係唔洗醫的。係呢到你會見到廿幾歲出頭嘅少女收呢一類疾病嘅折磨。

但係，有一種藥係呢到易搵過必理痛。

聽左我講咁多關於呢到嘅嘢，大家覺得呢度嘅人民有幾開心？無錯，我係門診開得最多嘅藥，應該係抗抑鬱藥。

#DrWhoHK
#DrWho去旅行
#DrWho印度神遊記

🔻🔺🔻🔺🔻🔺🔻
IG: DrWho.HK (instagram.com/DrWho.HK)
FB: DrWho.HK (facebook.com/DrWho.HK)
🔻🔺🔻🔺🔻🔺🔻

我真係覺得佢講得好好！
宜家醫院都重係好似澳牛咁
雖然伙記態度未必係最好，
但野食係好食既🤟🏻

你俾d 海外既人免考試免實習咁黎
就者係將澳牛伙記變哂譚仔呀姐
唔係話譚仔呀姐就一定唔好🙈🙈
但你叫平時可以傾下計既譚仔呀姐而且要隨時隨地不停趕客走，重要用光速落單
譚仔呀姐做唔慣都係走🤦🏻‍♀️🤦🏻‍♀️

就算真係請左外地醫生
咁姑娘呢？supporting staff 呢？床呢？空間呢？
你係澳牛放十個譚仔呀姐就會清到條龍咩？
會請夠人架喇！
咁請咩人先，點樣為之夠先？
你請多十個譚仔呀姐
起碼要30個人跟住
重要係識得幫手睇呀姐有無做錯野
新仔又夠經驗去睇？(我無歧視新人架！我都有新過。。好難捱架！）

十個茶壺得2個蓋要人地沖100杯水
你加茶壺無用架喎
我無咁叻識俾咩suggestion
但第一件事

請唔好再好似擠牙膏咁擠醫療開支
但好似開水喉咁俾大白象
因為一切係由錢起
澳牛開唔到分店，又請唔到人！😖😖
哂氣

呢期都仲係見好多關於醫委會啊, 咩方案啊, 既報導
其實心入面真係諗

喂啊, 做咩要係咁搞我地啫!!!!!!!
(希望呢句都係其他同行既心聲)
(明明呢行就唔係淨係得醫生! 我有時真係對其他colleagues/allied health/姑娘覺得唔好意思, 明明就一齊捱緊)

你可能會話喂莫非你唔想香港D人有更好既medical care, D人睇醫生唔駛咁慘, 唔通你淨係諗住保護主義blablabla…
得啦, 唔駛諗住用一句看似道德既野就諗住可以矇混過關

三點, 第一不實際性, 第二係咁樣做解決唔到問題, 第三係會令問題嚴重化

- 不實際性
要一個外地醫科畢業既人黎香港醫院解決而家水深火熱既狀態究竟有幾不切實際, 唉, 我諗同蔡一智出黎認左佢一樣
首先係動機, 點解連本土D人流失率都咁嚴重既情況下一個外地畢業既人會想黎受苦
兩個可能性, 佢無諗住黎受苦, 或者佢響個邊撈唔掂
咁大佬啊, 而家就係想請人黎陪我地受苦啊嘛, 佢唔諗住黎受苦請黎有咩用啊

佢響個邊撈唔掂呢個我就唔講

跟著見愈黎愈多人/一d黨派話免實習免考試降低門檻提高吸引力
喂真係好Q燥, 而家賣藝啊? 做旅遊啊? 提高吸引力!? 降低自己既底線同專業性黎吸引人!? 醫生尚保存住既尊嚴就係基於咁多年既苦讀, 過左咁多既試, 仲要過埋痛苦既實習期, 先打做到個金身; 你而家話要考簡單D甚至有人話免試, 仲免埋個實習, 咁對本地醫生公平咩? 唔考過你又知佢地水平去到邊啊? 你又知唔知佢地響外地實習有無響香港地獄醫院既經歷啊? 就我所知各地實習既practice可以有好大分別; 有D地方可以輕鬆到好似個病房clerk咁, 有D地方houseman都可以開肚 (I do mean it); 要統一化最簡單就係響香港做返一年先啦~ 做intern都嫌辛苦仲點期望你幫手做前線醫生捱苦啊

其實對班外地醫生都好唔公平, 比人知佢地原來同本地薑有呢方面既差別, 咁人地覺得佢地既專業性會唔會有少少分別呢? 可能其實佢地滿腔熱誠諗住黎幫手捱苦嫁嘛, 就係想靠呢D香港入門試, 香港既實習表現黎話比人聽自己係掂既, 黎話比人聽自己係有專業性有尊嚴既, 黎啦你請我啦
咁你話而家呢班咁有心既人如何自處呢?

好啦梆得個幾年, 之後見公院辛苦, 你估之後點呢? 你公院係咪人工好D, 係咪無咁辛苦? 唔係, 連自己友都走啦
咁解唔解決到問題? 不切實際

Oh by the way
其實世界各地就算收外地醫生, 都要pass相關語文試
例如去英國要考ielts 7.5以上; 去韓國考韓文; 去日本考日文
廣東話黎講, according to Wiki, list of language proficiency tests
- Certificate in Chinese Language, HKU
- Diploma programme in Chinese as a foreign/second language, CUHK
不過我就覺得不如脆脆地考返個DSE中文睇下魯迅先啦

- 解決唔到問題
醫療制度可以有好多問題, 但唔係每樣都岩香港, 例如你唔會話香港要封紅包先可以醫病, 唔會話你個醫保唔夠錢包你斬腸開肚, 唔會話你最近間醫院響20公里外, 呢D就係例子點解外國既一套唔可以照搬落香港, 因為面對既問題可以完全唔同

香港最指標性既問題包括 1) 病房爆到訓廁所 2) 睇門診等兩年 3) 醫患關係既問題

其實講咁多咩放寬考試, 放寬實習, 簡單黎講咪即係輸入外勞
我地先唔好講咁樣既做法係咪妥當既做法,又當你不擇手段, 理得你質素點, 但係係咪真係解決到問題先

我想問香港如果聽日起多一倍專科醫生, 究竟病人係咪從此唔駛訓走廊?
呢個係一個簡單既茶記問題, 一間澳洲牛奶公司, 無論佢請多十個爆粗樓面, 條人龍都會響度, 因為鋪位唔夠大, 硬件唔夠多, 炒蛋整唔切, 除左樓面, 仲要請多D廚, 多D洗碗, 多D收銀, 所以請多D人最多係令到做既人輕鬆左, 唔會改變病人慘況; 無床既仍然係無床, 無得做手術既仍然係無手術室做

唯一可以解決呢個問題就係買埋隔離間文苑同麥文記 (呢個需要時間), 再請多D唔同既人手 (其他人手既問題因為傳媒make唔到noise所以唔講sosad), 同埋了解同控制人員留失既問題

(As a medical example, 就好似有條友trauma call係咁流血, 你唔止血, 淨係識去比血, 仲要淨比packed cell, 無上platelet FFP, 咁死緊啦)

門診等兩年呢樣同上面病房既例子一樣, 無硬件配合都係廢; 等兩年先有得睇既病究竟要多幾多人手先可以變成等年半呢? 而一個可以等兩年先睇既頸痛佢會唔會由兩年變等年半而開心左? 班醫生以為多左人手無咁辛苦但其實又係中晒伏, 多一個醫生立即按而家有既配額分多D比你, 而無人會研究究竟而家呢個配額份量合唔合理, 於是衝症仍然係要衝症, 睇5分鐘出返去有可能變成睇6分鐘, 有咩意思?
另外門診除左用黎睇新症, 亦要睇舊症, 人手多左, 病人會expect自己密D覆診; “喂又話多左人返工既? 點解我個膝頭退化都仲要隔兩年睇一次嫁” 好多情況穩定既病, 係需要更高層制訂一個統一而實際既guideline去跟住複診甚至discharge (不再覆診), 令前線容易解釋比病人聽, 亦到令呢D病唔會有D地方半年睇一次, 有D地方兩年睇一次, 更重要係令醫生夠膽響呢個醫患不互信既情況下出症, 如果唔係病人數量只會不斷增加

簡單黎講, 如果澳牛班伙記唔係咁落力趕你走, 你估而家條龍排到邊? 你可以話而家醫院唔係做餐廳喎, 但係不得不面對現實既係醫院同澳牛一樣, 資源係局限既, 分別係伙記可以小你, 你可以小醫生; 一出一入就係咁簡單, 若果無辦法安心令出症速度同入症相若, 條龍就會愈排愈長, 呢個係簡單既計算而已

呢D都唔係請多一倍專科醫生可以解決既事, 上述既例子不過是冰山一角,班友只不過係嘗試用請外勞呢個焦點拎走你既目光, 而唔去解決內部既問題, 而其實咁做都係合乎人性, 因為前者事實上比後者還要簡單好多

另外而家醫患關係已經咁差, 你諗下下次入到診症室個醫生淨係識英文, 識少少中文, 你用粗口小佢佢問你係咩意思, 又或者你以為自己識普通話, 佢同你講北京話, 咁你點? 咁你同佢醫患關係會好左定差左

要記住, 要解決澳牛入面既人流問題, 除左各方面既資源要配合, 你請個半島既waiter係幫唔到佢地, 因為第一佢唔夠快/效率, 第二佢唔係睇慣佐敦油尖旺, 佢唔爆粗, 本土文化同市民都會降低佢工作表現; 咁樣請個唔適合既人, 不如留返D錢出多D糧比其他人對士氣仲有用

- 問題嚴重化
將而家佢地嘗試用既性感標準套落本地醫生身上

真係鄧D本地黎緊既畢業生唔抵, 又唔見有人話香港醫學院D試咁難, 不如降低難度啦, 做houseman咁辛苦, 不如做半年算啦
真係鄧我地D前線MO唔抵, 又唔見佢話要增加下響公院做同train 專科既吸引力, 不如做少D時間啦, 不如加人工啦, 不如只要響香港醫院做MO就可以考個簡單D試啦
喂你知唔知你個頭同D外人講話降低門檻, 呢頭本地D專科專業試嚴到passing rate得兩三成人pass咋, 真係好心D人話我地對外人行保護主義既睇吓啦

真係鄧D中層specialist唔抵, 無啦啦多左一班明知好大機會唔會同你捱苦又或者幾年後會走既人同你一齊做野; 你留公院既又多左D無響香港捱過既人同你爭promotion, 你出私家又多左班人同你爭食
咁你係佢地你會點, 梗係趁佢地未出去之前走先啦, 快佢地一步搶餅啊嘛

咁你係本地中學生見行頭難左, 你會點, 仲做唔做

咁你係醫學生, 咁你係前線醫生, 你會點, 你士氣會點
我地考D試難到咁, 隔離個個話佢上年返黎, 個試都ok啊~ 又唔駛做intern咁~
出面醫學美容話你出黎啦又唔駛考專科試又唔駛oncall又人工高
咁你仲train唔train

我把聲咁細, make唔到d咩noise, 傳媒仍然係會係咁講輸入外地醫生有人話要降準有人話要保護啊, 政府繼續要應付佢地既壓力, 醫委會繼續比人內外夾攻

而其實根本個大標題已經錯重點, 只不過唔同界別既人都不約而同想就呢個話題繼續發揮, 於是無論醫委會結果係點, 一年之後真正問題仍然無被解決(甚至無人提起過), 病人繼續訓走廊, 唯一係想留響度做既人會愈黎愈少

就係咁

今年終於唔使俾人問拍拖未......不過問幾時擺酒... #放過我喇 #早知唔請假

被開年

大年初一很難得是周末，上幾年的年初一因為落在周中所以還是要上班。很多普天同慶的節日，作為小番薯的我們其實也在trading floor過。

農曆新年，又是跟一年才見一次的親戚拜年的日子。與其話拜年，不如說是「被開年」。

見了三十年的親戚，年年都好像老細捽數一樣什麼也要由頭細問，很有衝動印份CV或把我的LinkedIn在家族whatsapp group內分享罷了。其實一年見一次沒話題我們明白，但姨媽姑姐逐個問再品評比較真的很討厭。

我老爸有四個哥，清一色生男生，莊家一共七個男孫，相隔十二年，我排尾二。

For simplicity sake，不用名字，只用數字。

大堂哥是唯一的「七十後」，所謂讀書最差但老實說，我覺得他最成功：中五畢業，努力不懈repeat了兩次還是上不了中六，廿歲未夠踏入茶餐廳由低做起。兩年不到我大伯按了層沙田第一城借錢給他和幾個朋友開茶餐廳。03年遇著沙士，朋友退伙再加上趁低樓價買了鋪位，現在差不多是唯一附近抗通漲逆市不用加價的茶餐廳。
生意穩定，捱了十多年後，現在差不多每天也可以全心全力照顧一對子女。我每一次路過沙田誠心去幫襯，差不多沒有碰過他或大嫂在鋪頭。一間不起眼的self run茶餐廳養起一家四口，另加一層樓positive carry收租，生活非常可觀。謙虛的他卻最少話，常常説自己讀書少，跟各堂弟比不上。

「逸希，我地二月去北海道滑雪呀，應該幾時入定yen呀？」你兩條友玩三日用得幾多錢。

二堂哥是莊家首個大學生（我們的父親們最高教育為高中），讀書不錯，成長其間每年也被追捧。厚厚的眼鏡從來也是他的形象，跟他哥一般寡言。不幸沙士畢業，在同一間出入口公司做了十幾年做上了一個shipping的manager，為準備即將來臨的雞年小朋友，跟二嫂儲了很久終於在上年在將軍澳上了車。

「逸希，有咩冧巴介紹下呀？」噢，跟我最不投緣的三堂哥帶著以為自己是𡃁模的三嫂到場-- 為什麼每年也拿著同一個Hermes herbag。
我不知跟姨媽姑姐親戚朋友說了多少次：「堂哥，我不是做股票的。」

還有，其實跟所謂做金融的人問冧巴是一個很錯的行為：
第一，如果他真的從事equities research什至portfolio management，他根本什麼也不能夠透露。
第二，金融人投資的申報制度慘無人道：買貨沽貨前要先得上司批准，在36小時之內成交，不少行家告訴我他們有一些公司還設有30日holding period，根本是趕絕同事的投資機會及意慾。不少同事根本沒有私人投資，那些所謂冧巴大多是跟你一樣來自同一份經濟日報。
第三，如果炒股其凖的話，無需幫人賺錢-- 自己炒到發達喇。

「逸希，今年樓市升定跌呀？」我都想知。

三堂哥沒有大學畢業，但他跟四堂哥在我二伯的製衣廠「幫手」，新婚後租住坐擁航母級露枱的「豪宅」，揸05年Boxster出入觀塘工業區。我的「幫手」加了括號是因為我二伯的製衣廠近年被人字Accumulator搞得半死不活、飽歷風霜也是拜他所賜。這些衍生工具，正確的是用來對沖，over hedge了的話，根本是投機。 但他不知道，他的六堂弟莊逸希也是賣這些大規模殺傷性武器的一份子。這...還是不知道比較好。

「希！What's up, Trojan?」四堂哥穿著Caltech亮橙色hoodie抱了我一下。

四堂哥跟我關係最好。我跟他也在加州讀大學，最初到埗也依靠他的照顧。他有心想搞好二伯的廠，跟外地跟客人談新生意，數碼化內部文件，開拓大陸以外東南亞工廠生產線（Trump一筆簽挎了TPP，不少廠家應該因為這樣令南亞的擴充計劃告吹。）但那些人民幣合約把本來也不佳的利潤吸乾後更令公司泥足深陷於銀行長命債之中。這幾年絕不好過，看起來他比三堂哥老上十年。

五堂哥學歷最高，biochem PhD，在大學做studentship時結識了太太。人工可能是眾堂兄弟中最低，捱緊post doc最終目標上faculty。上年結婚兩公婆搬到娘家元朗村屋，朝朝小巴轉西鐵再轉港鐵，每日差不多四小時來回。在香港這個所謂金融only的中心加上學位貶值的年代，做research的確不是一條普遍的路。

「唔好意思啱啱on完call。」高高瘦瘦的七堂弟姗姗來遲，跟眾叔伯兄弟一一道賀後來到我們年輕的一群。

七堂弟是唯一一個「九十後」，也是阿爺的寳貝：自細讀名男校，末代會考當不上狀元，但考上了港大醫學院成為莊家第一位專業人士。今年大家的話題也落在他身上，因為他將以廿五歲之齡今年中結婚。

簡單來說，半年後小弟是唯一一個未婚男孫。媽的，廿九歲未婚是正常的吧。七弟早婚是他的決定好不好？我有很多醫生朋友，不論男女都比較早婚。一來他們是筍盤，二來on call再考專科花什多時間和精力，不少醫生都選擇在houseman後考專科前的空檔拉埋天窗。

「逸希，拍拖未呀？」二伯母好像年年也問同一個問題。
「媽，逸希呢D金融才俊有車有樓又靚仔，邊愁冇女呀?」我買車非常低調，但正如昇爺金句：「世界沒有秘密，秘密只是一些自認為隱藏得很深的東西。」
我支吾以對後，七子的談內容也是樓跟車。什麼特朗普，689等，香港人其實也不太會談，免得藍黃對立，破壞親和關係。第四代的莊家小朋友跳跳走走，爺爺的家突然感覺有點擠但令下著毛毛雨的初一感覺很是暖和。
也許被開年比談政見或嚴肅的內容更安全更平和。

廢話少講，先做每年新年最期待的事-- 食阿嫲親手做的蘿蔔糕。