【公關event學】 實例探討
如果你係真心要去鬧爆一個人,或者要整啲道具去打小人,你會唔會錯到離晒大嫂?家陣cctvb電視劇尋仇會淋錯紅油咩?以此邏輯推論,呢班人肯定係有「老細」僱用佢地出嚟表達「老細」嘅訴求啦。又難怪嘅天口咁熱,有錢咪俾人做囉!
.
如果係咁,不如大家就公關event學睇下呢件事到底係點?
.
依公關event學嚟睇,呢堆人就好似完全唔知道你個event攪咩嘅helper,「唓,我收你幾廿皮一粒鐘加個飯盒,你叫我做咩咪做囉,我唔駛理你背後個rundown架?!」所以大家就睇到以下張相啦。
.
喂,簡單至去舉下牌都錯?係架,你估做event咁易呀?
.
通常event agency係請helper開工前,都會簡單話佢知呢個event背後要做咩,理念係咩,rundown係咩?再好少少嘅,會舉幾個Q&A,話俾啲Helper聽現場去到要check咩,遇到啲問題應該點。再然後,點都有個helper頭去跟一跟,確定班helper無做錯。而當event要用helper時,除咗精準嘅helper briefing,最好就係一個helper只俾一個task佢做,而且道具同埋指能要非常清楚。
.
更精準嘅公關,會先in下啲helper,make sure佢地對眼同個腦係well function,仲會因應唔同event請唔同嘅helper。呢啲香港人嘅精準、公關仔嘅精神,你地識條鐡咩?!
.
睇返呢個case,朝早就商台banner去咗港台門口;下晝就係港台牌仔去錯咗商台門口,連續兩個mistake,代表咩?代表event helper又無做好briefing,又唔派人跟場。朝早見佢錯咗都唔更正返;班helper呢?豬一樣唔帶眼同腦返工。
.
你問我佢地有幾咁唔鍾意港台同商台,我就睇唔到啦!睇到嘅就係背後一盤散沙,同埋佢地都唔知自己做乜嘅荒唐。睇怕佢地個飯盒都攞唔到啦今次。
.
親,你的錢倒落海了。
.
#公關是專業哦親
#霞姨飯盒收返
#你當香港人蠢嘅都唔好當香港人唔識字香港有九年免費教育的親
#公關仔深明呢啲相係俾唔用腦嘅示威者睇嘅
#親眼和腦是好東西請經常使用
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
event helper做咩 在 我是公關仔 Facebook 的最佳貼文
Agency界聽過不止一次的江湖傳聞,有位4As嘅Designer,成日開夜,同事們都習慣朝早返工都會見到佢仲係度野。有一朝,見到個同事伏咗係枱上,以為他只是太累,不以為意。怎料後來,發現他一朝未醒,同事上前輕拍他時,已經僵硬了。
又聽過有個公關,經常開夜通宵達旦,某日同個客對對下稿,個客只係聽電話筒跌落枱嘅聲,然後呢個公關就永遠無再應佢,猝死了。
呢啲江湖傳聞真係每隔兩年,在最瘋癲工作時就會聽到。有啲人會話:唓,你地嚇鬼咩?邊有死得咁易。但的確,人好多時死起上嚟,真係話都無咁易。
當然好多人會笑呢班通宵達旦做嘢嘅人傻仔,的確,呢班人真係要好好保重自己。但好想大家喺話呢班人之前,要明白我地呢班公關/designer/agency/marketing,我地係成條食物鏈嘅中間。如果我地一停,上下左右前後嘅人都會因你停工,而無得傳達訊息或者落brief要停。然稍為有責任心嘅人,每個project都係我哋係心血,係完全唔可以話你死你事,由得佢囉!因為你唔做,係agency嘅世界裡面,就係無人做。如果你唔好彩遇上幾個仆街同事,分分鐘你仲要因佢嘅錯而做埋佢果份。
作為一個趕deadline嘅行業,你估你話想抖,港鐵紅隧巴士站嘅artwork就可以俾你遲交一日?阿客趕住交上HQ嘅document係會因為你嘅病而唔駛交?聽日要攪嘅活動,可以因你唔舒服而唔駛overnight setup?
唔會,係唔會呀!!!
而喺agency嘅世界,好多事往往只係你一個人跟,又或者頂多兩三個人一條小team跟一件事。唔識嘢嘅人可能問:做咩唔俾多啲人跟?你有無玩過「以訛傳訛」?同一個訊息係越多人裡面打轉,就越大機會錯;加上你以為阿客嘅budget幾百萬未開頭,都唔會俾你啦!可以afford到好多manpower咩?有時窮到helper都請唔到多個啦!
我明白好多唔明白行業嘅運作,又愛惜我地嘅人,所以有時會俾啲令到我地好洩氣嘅安慰。有頭髮又有邊個想做癩痢,其實有陣時我地都係身不由己。
其實,俾啲耐心聽下我地呻,關心下,唔會因為我哋太忙出席唔到約會而疏遠我地,對於呢班無日無夜開工嘅人嚟講,已經係一種支持。
#當然保重身體係好緊要 #做event時記住要偷走去痾尿 #想講粗口時千祈咪谷住 #有得食時千祈咪讓人 #有得偷坐就千祈咪企
event helper做咩 在 我是公關仔 Facebook 的最佳解答
【Event的準備】
大概大家都知道,公關會攪event;但好多人都以為,所有事情,包括連MC果日講果份稿,都係現場就好似外星人突襲咁話有就有。
..
其實,係我哋班公關慌死個場塵都唔夠,預備同托晒所有嘢去嘅成果。Print rundown print setup plan print floorplan print MC cue card諸如此類,仲有執文具整signage叉walkie試walkie執物資燙model衫數貨點貨安排司機收貨點貨聯絡helper著咩衫帶乜野提醒model帶nudebra高跟鞋打底褲試PA試音樂試老細PPT試auto clicker預備send out release template預備錢買水買飯盒買物資買乜買物預備reception signage 咭片碟咭片物資簽到紙老細講稿briefing note仲要預先brief helper 侍應表演者photok video......一匹布咁長。而最後,都總會喺現場懷疑漏咁啲。
.
點解咁大陣象?因為攪活動就係太多突發事;試過活動前無端有小朋友係你stage附近瀨濕個地,又試過去到現場突然壞冷氣要臨時跑去托幾部風扇同拖板返嚟、仲試過嚟到明星話要一盒無鹽無油無糖無味精嘅飯盒。
.
仲未包,阿客永遠唔會改得完嘅rundown同埋guest list。
.
準備,永遠唔會包你諗極都諗唔到嘅contingency。所以唯一嘅辦法就係你諗到幾多搬幾多嘢去,然後情願好似工蟻咁搬返晒返嚟。
.
幾時都話:
「機會,係留俾有準備嘅人」;
「Event,係留俾托晒全部嘢去嘅公關。」
.
而當你係event前忙到就死之際,有人一句問你:「都唔明你班公關攪咩攪咁耐,Event簡單到爆啦。」
.
你會點答?
.
#留言公關仔又叻又聰明Clipping又多我PM你 #就奇 #你試下同時有成百人圍住你個reception #又試下突然差人查牌要你即時call停個show #又試下無端端有個客係你個場心臟病發 #話時話2米EVA真係好緊要唔好唔留 #又試過唔俾FANS追星佢打你同事而阿客仲要鬧你做咩唔控制好個場面 #試下開01到16都仲未有嘢到過肚就暈之際話個backdrop冧咗而18就開show #我唔想再諗啦雙手掩面