關於 hkfoodie_life_沙冰 ，我們在網路上蒐集到這些相關的討論、資訊與評價

📍ᴋᴡᴜɴ ᴛᴏɴɢ, ʜᴏɴɢ ᴋᴏɴɢ 🇭🇰
<史上最失望嘅季節限定茶飲 茶狼>
見茶狼喺觀塘開咗新分店😏本來就諗住再次一嘗岡山巨峰提子白露茉莉奶蓋茶嘅滋味☺️點知原來個季節限定已經完咗，超傷心😢不過都俾咗咗個機會小編試吓佢哋新出嘅季節限定飲品同順便試埋佢哋既茶飲蛋糕😂
-
🍴凍頂烏龍茶軟芝士蛋糕
評分：7.5/10
其實蛋糕由佢哋喺中環店開店嘅時候都一直已經有供應😏不過鑒於中環店無位坐，所以一直都冇試過😂蛋糕大致可以分為三個部份，分別係凍頂烏龍茶海綿蛋糕、軟芝士🧀同曲奇餅餅底🍪。
蛋糕入口確實有陣陣嘅烏龍茶味😍不過就略嫌蛋糕嘅質感有少少乾🤔軟芝士方面，入口雖然冇乜芝士味😅但質感非常幼滑😚同烏龍茶海綿蛋糕配搭出嚟個效果都幾特別。但係個曲奇餅餅底真係超級唔掂😔完全係同個蛋糕分離左，真係得啖笑😎不過其實整體嘅味道來講都算係相當唔錯，至少真係食到有烏龍茶味😂
價格：HKD $28
-
🍴日本九州蜜瓜梔子花奶蓋茶
評分：6.5/10
飲品將蜜瓜汁、九州蜜瓜粒🍈同梔子花茶混合及打成沙冰🤗然後喺飲品表面再加上一層紐西蘭cream cheese🧀製成嘅芝士奶蓋。小編印象中今次好似係茶狼第一次用梔子花茶做茶底，個人都覺得幾特別😎
九州蜜瓜梔子花茶既每一啖入口一開始都可以飲到有味道清甜嘅蜜瓜味😝其後梔子花茶個餘韻先會慢慢走出黎😳另外飲品中亦都可以食到細細粒嘅蜜瓜粒，口感都算係幾豐富🤔不過感覺上呢一個蜜瓜梔子花茶同芝士奶蓋嘅鹹香味就唔多夾😅奶蓋變得可有可無，可能如果今次小編係叫冇奶蓋嘅版本會比得更高分😔
價格：HKD $45
——————————
店舖名稱：茶狼
環境：5/5
服務：4/5
地址：觀塘觀塘道418號創紀之城五期APM大堂層C-41號舖
交通：港鐵觀塘站A2出口，步行約4分鐘
——————————
#hkfoodie_life_觀塘
附近鐵路沿線仲有咩食👇
#hkfoodie_life_觀塘綫
同類型食物嘅介紹👇
#hkfoodie_life_茶飲
#hkfoodie_life_蛋糕
．
．
．
．
．
#chalonghk #chalong #cheesemilktea #cake #蛋糕 #茶狼 #芝士奶蓋 #奶蓋茶 #茶飲 #タピオカ

📍ᴄᴇɴᴛʀᴀʟ, ʜᴏɴɢ ᴋᴏɴɢ 🇭🇰
<少女心爆發健康輕食餐廳 Bear’sLab>
呢期都好似有唔少人介紹呢一間係中環嘅健康輕食餐廳🤔小編當然唔執輸要去試吓啦，咁多人介紹，分分鐘係好嘢嚟㗎嘛😳
Bear’s Lab係一間專賣超級食物Super Bowl嘅餐廳🤗主要提供Smoothie Bowls、Smoothie Drinks同Vegan Lattes😚Smoothie Bowls嘅定價$78-$92，Smoothie Drinks就定價由$52-$60 ，而Vegan Lattes就$38-$45，雖然產品定價有少少貴，不過係中環區來講都差唔多🤔店舖除咗有健康食品做亮點之外，仲有一幅粉白色嘅花牆😍打卡真係超靚😳
-
🍴綠翡翠碗 Detox Bowl
評分：8.5/10
呢一碗Smoothie Bowls加入左龍舌蘭糖漿🍯、牛油果🥑、香蕉🍌、腰果醬、奇亞籽同菠菜製成個基本Smoothie Bowls，再喺表面加上草莓🍓、香蕉🍌、藍莓、穀物片、椰子片🥥…
Smoothie Bowls出到嚟個顏色比較翠綠🌱，小編以為會好重牛油果或者菠菜味🙈點知原來入口發現係有好重嘅香蕉味至啱😯相當易入口。而且個果碗入口嘅味道亦都唔會太甜☺️質感亦都打得好smooth🤗唔講小編仲以為自己食緊雪糕添🤭雖然Bowl既size望落就有啲細，不過其實份量啱啱好，食完之後會有少少飽肚感😋
價格：HKD $88
-
🍴椰林樹影 Pina Colada
評分：7.5/10
呢一杯Smoothie Drinks係店舖嘅人氣沙冰飲品之一😂沙冰由香蕉🍌、椰子萃取🥥、椰子奶、奇亞籽、菠蘿🍍同乳酪打成。
飲品入口個質感比較滑身同杰杰地咁☺️入口有好重嘅香蕉、菠蘿同乳酪味😋雖然本身聽落呢個配搭就覺得好似怪怪地咁😅但原來入口個味道係非常之夾😱而且酸酸甜甜咁仲非常開胃添🤤
價格：HKD $56
-
🍴巴西風情 Açai Classic
評分：6.5/10
呢一款Smoothie Drinks嘅配搭就稍為比較傳統少少🤗由巴西莓、香蕉🍌、藍莓、腰果醬、椰子水🥥同梨🍐製成。
沙冰入口一開始可以飲到有淡淡的巴西莓味😝而每一啖嘅最後都會飲到有輕微嘅梨味😎另外飲品入口亦都冇乜甜味，相對比較健康😉不過飲品嘅味道實在係喺預計之內😌所以就唔算太有驚喜🤣但以飲品味道嘅質素來講都算係相當唔錯，比較適合一啲唔太追求新奇嘅人去嘗試😂
價格：HKD $56
——————————
店舖名稱：Bear’s Lab
環境：4.5/5
服務：5/5
地址：中環士丹利街50號信誠廣場地下F舖
交通：港鐵中環站D2出口，步行約7分鐘
——————————
#hkfoodie_life_中環
附近鐵路沿線仲有咩食👇
#hkfoodie_life_港島綫
#hkfoodie_life_荃灣綫
．
．
．
．
．
#bearslab #bearslabhk #smoothiebowl #水果碗 #果昔碗 #果昔 #スムージーボウル

📍ᴋᴡᴜɴ ᴛᴏɴɢ, ʜᴏɴɢ ᴋᴏɴɢ 🇭🇰
<超人氣工廈PANCAKE餐廳 高興Café>
小編一直想試呢間Cafe好耐㗎啦😊之前亦都見到有好多人介紹過呢間Cafe，終於今日食到啦👏相信大家見到呢一間Cafe個名都同小編一樣諗起佢哋個pancake🥞，呢度嘅pancake定價都算幾平，由$50至$62😯而且口味選擇都幾多下添，足足有成六款咁多🤗
餐廳除咗有供應pancake之外仲有意大利麵🍝、日式咖喱🍛、沙律🥗…定價合理亦都唔算太貴。另外場內仲有好多唔同嘅復古打卡位🤭以工廈餐廳來講裝修可以話係超級靚啊😍
-
🍴檸檬酸忌廉楓糖Pancake
評分：8/10
師傅製作pancake嘅時候，會係pancake表面加上一片新鮮嘅檸檬🍋，令成個配搭都比較清新🤗而且仲會放上酸忌廉、三片檸檬做伴碟😉另外亦都會用一個細杯仔分開裝起啲楓糖糖醬🍯。
店舖嘅Pancake由於係即叫即整😚所以都要等15分鐘左右🤔Pancake上枱嘅時候真係非常香，聞落有淡淡的檸檬味😝而且仲有好重嘅蛋香味添！Pancake入口有淡淡的熱檸檬味😍同pancake本身個味道非常之夾😋不過pancake入口就有好重既檸檬酸味😣但配合埋味道香甜嘅楓糖糖漿就可以中和返個種酸味😜整體嘅味道會更加豐富👍至於口感方面就有啲似食緊蛋糕咁☺️所以一個人食晒成份都非常飽肚。
價格：HKD $50
-
🍴玫瑰荔枝沙冰
評分：5.5/10
沙冰就係以冰粒同荔枝糖漿製作而成😳再係沙冰表面灑上玫瑰花瓣碎🌹，飲品出嚟個效果都幾靚😍少女心爆燈啊！
沙冰出嚟個效果呈現淡淡的粉紅色😚而且沙冰表面灑上玫瑰花瓣碎就令到成杯飲品出嚟個效果更加夢幻☺️至於味道方面，沙冰入口有非常重嘅荔枝味😜味道唔算太甜，而且個沙冰真係做得非常冰凍😂另外飲品入口其實真係冇乜玫瑰味，有少少失望😔若果可以加重返個玫瑰味就更加好🤪
價格：HKD $34
——————————
店舖名稱：高興 Happinesssss Café
環境：5/5
服務：4.5/5
地址：觀塘成業街19-23號成業工業大廈地下2號舖
交通：港鐵觀塘站B2出口，步行約4分鐘
——————————
#hkfoodie_life_觀塘
附近鐵路沿線仲有咩食👇
#hkfoodie_life_觀塘綫
同類型食物嘅介紹👇
#hkfoodie_life_Café
#hkfoodie_life_Pancake
．
．
．
．
．
#pancake #dessert #cafehk #happinessssscafe #高興cafe #咖啡廳 #甜品 #甜點 #甜點控 #班戟 #スフレパンケーキ