有人話我好勁，點解可以係無工人日日一打二，仲可以一個湊住兩個咁細既小朋友出街～一個向左走一個向右走又要trouble two，仲要拎咁多野(媽媽袋)，我好想答一啲都唔勁，係我謙？錯！係想話 ”X, 真係好L辛苦！”
有人話工人姐姐放假當日就係打大佬，因為要自己湊小朋友，當日日返工，放假個日仲要湊B真係慘過返工。以前就諗，無論做家務定湊小朋友啲工人姐姐都係自己一個人做晒啲野架啦，咁佢地都做到，點解自己會做唔到？而家會諗，其實佢地好叻，因為佢地一腳踢都真係好辛苦，雖然話有份糧/返工係辛苦架啦，不過哩份工真係唔係人人都做到(當然好既工人姐姐係好難搵啦) 做到既其實都唔好諗自己放假個日有幾辛苦，都要多謝下幫到手既工人姐姐，因為佢地日日都係咁打大佬😔
而我覺得自己根本就係工人姐姐，Oh sorry 工人姐姐都唔係，因為工人姐姐一個星期都有一日假，我？唔好意思啊，放假？食得架？Um…日日咁湊無假放真係好攰，唔係淨係體力，仲有腦力🤯 **精神先係精髓** 所以話我日日咁過關打Bosses好勁？錯！我精神崩潰唔通又話你知咩！
我想話既唔係我有幾勁有幾叻點樣日日自己湊兩個，想表達既係真係湊小朋友真係好攰好辛苦！雖然話做得呀媽既就預咗，(妖！鬼唔知呀媽係女人) 但求助都係容許！要諗辦法點樣去認清感覺，舒緩情緒，發洩壓力💥因為當爆煲既時候，可能會有挽救唔到既結局！
身邊總有一啲人無代入身份角色，企係外牆高地再用自己既道德標準去批評人地點湊仔，但往往又無諗下自己既雙重標準連商討都變得無意義，評論都變得無價值既時候，到底又用咩理由黎去指責他人呢？ 我相信鼓勵既說話往往比指責既說話來得有意義，何不鼓勵一下對方，給予支持，總比批評人地更加有用❤️
唔好太介意佢地對你講咩，唔係人人講既野都有用😩太在意只會令人透唔到氣，幫倒忙既人還是不理會比較好😌媽媽們要加油啊！我們都很棒棒的💪🏻💪🏻
#做呀媽係咁架啦
#人地湊仔關你Q事
#旁觀者不得𪘲牙聳䚗
#請勿打擾
trouble two意思 在 如何對待「Trouble Two」的兩歲孩子？ - 媽媽經 的推薦與評價
世全現在正值兩歲trouble two 最可愛的年齡，常常說話時都會加上「不要」這兩個字。每天都會聽到的包括：. 「不要下樓」（早上媽媽煮好早餐，爸爸要帶世全一起下樓時… ... <看更多>