🇲🇴三口八胃論區行嚐美食企劃🇲🇴
「三口八胃論區行嚐」路線:《歷史足跡·盡在城區》
喺福隆新街呢條遠近馳名嘅百年老街度,雲集咗琳琅滿目嘅手信店同特色食店,遊澳旅客絡繹不絕。而今日要介紹嘅壹燕糖,雖然係位於福隆新街嘅心臟地帶,卻唔止深受遊客歡迎,連本地食客都收服埋!
壹燕糖主打矜貴得嚟定價又唔會令人有hard feeling嘅燕窩甜品同特色小食,高貴不貴咁唔科學?是咁的,由於店主成個家族本身都係經營海味生意,食材成本降低咗,變相將呢份利益輸送返比食客,以親民價格享用以燕窩嚟擔大旗嘅氣派甜品再唔係不可能的任務喇!By the way,除咗燕窩之外,亦有多款中港式糖水同葡式小食坐陣於壹燕糖,款款銷魂,豐儉由人。
🍽行嚐焦點:
燕窩葡撻 - 壹燕糖嘅鎮店燕窩葡撻水準超脫,撻皮咬落去嘅一𣊬間隨即發出瀟灑響亮嘅音波,酥脆程度勢不可擋,香濃滑溜嘅蛋漿表面重有仿佛識發光嘅燕窩加持,15蚊嚟講性價比極高,絕對唔比其他本土嘅大牌葡撻世家失色!
🍴是次餐點包括燕窩葡撻、楊枝甘露豆腐花、芝心豬扒包、馬介休球及黃金炸薯條。
🚶🏻♂️地址:澳門新馬路福隆新街1號地舖
🚩同區景點: 議事亭前地 、郵政總局、玫瑰堂、福隆新街
壹燕糖
#塊豬扒薄咗啲 #黃金炸薯條一定要試 #每條薯條沾滿鹹蛋嘅精華 #自己諗 #macaufood #macaufoodie #macao #macau #澳門 #澳門obxxob #instafood #foodporn #foodpic #macaofood #マカオ #感受澳門 #論區行賞 #wowmacao
Search