The Wall Street Bar &
生酮界有福了,又有一間靚餐廳出咗Keto Menu😍5-course fine dining 只係 $488,食普通餐都唔止,而且食物質素超高!
非常欣賞大廚用心設計菜單,佢話生酮人已經少咗食物選擇,所以一定要做出高質食物,令我哋食得開心滿足啲💛 另外要讚嘅係,佢哋不計成本用靚食材,大家食完就知分別,而且全部都係自己製作,呢度一定會變咗我飯堂💛
__________________
🥯三式生酮包🥖
大廚話呢個係朝早即日整嘅,所以想食嘅朋友一定要預早一日訂枱,註明 KETO呀!大廚超有誠意咁整咗三個口味,芝士、合桃、車厘茄,外脆內軟!我三個都食晒,如果大家想拎返屋企都得😍
🍤芝士忌廉菠菜焗虎蝦🧀
虎蝦大隻而且彈牙新鮮,菠菜先用大量蒜片炒過,再加忌廉、芝士焗,所以係超香!芝士份量勁多,輕鬆做到拉絲效果😍
🍟烤 12盎司美國肋眼牛排伴
伴秘製生酮炸薯條, 黑松露蛋黃醬 🥩
主食入邊一定係最推介呢個,因為有我最鍾意嘅薯條呀🤩(牛扒變成配角),講真冇諗過可以食薯條,我覺得還原度有八九成,做到外脆內軟嘅效果,仲要有松露醬!希望佢哋遲啲可以散買一籃薯條啦🤣
🐠黑松露寶雲蘇焗挪威三文魚
伴香蒜辣椒意瓜麵 🥒
我暫時食過最impressed嘅意瓜麵!用咗意大利櫛瓜,所以可以煮得入味之餘keep到爽脆,香辣濃味道好好!三文魚正常水準!
🍗開心果脆皮烤小綿羊架伴豆苗 🥦
用咗小綿羊架,所以肉質真係好嫩,騷味都少啲(但家嫂鍾意騷啲🤣) ,又係調味做得好好,開心果脆皮香口得來唔會覺得重口味~
🥥椰汁布丁🍮
本來諗住布丁我食一啖就算,點知大廚落埋雲呢拿籽落去整,勁香勁滑,我2分鐘就食晒🙈
鍾意飲酒嘅朋友仲可以加埋Wine pairing,可以試晒4款cocktail,另外其實所有食物都可以散叫嘅,又有正常menu,同凡人朋友仔去食絕對冇問題!
📍尖沙咀金巴利道40號MW Plaza1樓
(訂座註明 KETO)
#生酮飲食 #生酮外食 #生酮餐廳 #生酮酒吧 #生酮飲食 #生酮 #斷食 #瘦身 #減重 #減脂 #生酮香港 #減肥 #間竭性斷食 #keto #iherb #生酮食譜 #飲食記錄 #ketodiet #健康餐 #吃貨 #hkfoodie #健康飲食 #增肌減脂 #低醣飲食 #減醣 #減醣料理 #低碳飲食
豆丁仔menu 在 HK FOODIE ● ANNIE CHAN Facebook 的最讚貼文
之前食過鼎爺既鼎會館,一食難忘🤤 (知道執左都好sad😭) 知道佢喺荃灣海之戀開左新line,梗係要即刻去試下😍 一去到感覺好surprise,成個裝潢俾人好潮好young既感覺😚 同鼎爺其他餐廳風格好唔同。牆身有好多唔同既霓虹燈🎈最可愛既係仲有鼎爺Q版頭像logo😙 啱哂後生仔女嚟打卡。menu除左主打皇牌燒味,仲有其他fusion菜式,真係幾有驚喜🤗🤩
·
▪柑橘燒鵝拼油雞脾飯 HKD$92
一場嚟到梗係要試鼎爺既招牌燒鵝😋 燒鵝加入柑橘醬,多左一份清新感🍃 燒鵝燒得皮脆肉嫩,肉汁滿溢,水準依然👍 而油雞脾亦做得出色 🐓雞肉十分嫩滑,啖啖肉好滿足~
·
▪涼拌麻辣蒜香手撕貴妃雞撈丁 HKD$80
佢既麻香辣香好厲害,未食已經感到麻辣感🌶🌶 每食一口個咀都好似麻痺左咁,真係令人欲拒還迎😄 另外撈丁更炸蒜及生蒜,令味道更加香濃突出😋 麵條涷食十分爽口彈牙,明顯過過冷河。
·
追加小食 – 麻香海蜇 HKD$28
·
▪燒味夾膜雙拼(2件) HKD$50
造型賣相與台灣小吃刈包好相似,白色既夾膜包外皮包燒味外內餡🤤 兩款不同的燒鵝及蜜汁叉燒內餡,夾膜包的微微香甜😍 混合燒味的濃郁,兩款同樣美味😋
·
▪鵪鶉蛋燒賣(3件) HKD$48
依家已經愈來愈少地方食到,有得食真係要份外珍貴🤩 燒賣外型口感紮實,充滿著兒時上茶樓既味道😚
·
▪熱白芝麻奶茶 HKD$58
天寒地凍飲返杯熱烘烘特飲,真正暖在心頭💕 芝麻濃郁度尚可,有點點像飲維他奶既感覺。
·
▪凍薄荷檸檬蝶豆花 HKD$55
好靚既一杯特色飲料😻😻 隻紫色💜好吸睛!! 酸酸地幾清新,我並無加入已預備既黑糖作調味,如果喜甜者可加入適量以配合個人口味~
·
▪北海道5.0牛奶雪糕
不得不提餐廳門口位置設有雪糕站🍦 雪糕控即時叮一聲🤩 試左北海道5.0牛奶雪糕,話明5.0奶香真的非常濃郁🥛 而且冰感十足,推薦呢👍
·
📍鼎家喜筷
荃灣大河道100號海之戀商場3012號舖
·
·
#anniec_tsuenwan
·
·
#鼎家喜筷 #鼎爺 #燒味 #燒鵝 #DingLee #fusioncuisine #hkfood #hkfoodie #hkfoodblogger #hkrestaurant #foodphotography #foodshare #foodlover #foodpics #foodporn #foodstyling #igeats #foodiesofinstagram #foodgasm #chinesecuisine #fusionfood #中菜 #香港美食 #荃灣美食 #吃貨 #食評 #食好西 #相機食先 #美食日記
豆丁仔menu 在 人在泰 香港仔日記 Facebook 的精選貼文
[我帶泰妹去搵食 | Sutthisan站]
曼谷特色小咖啡店 BEGIN COFFEE & BISTRO (原來招牌MonteCarlo咖啡,即係香港🇭🇰嘅...)
近排四出約店家做訪問,本來有間心水店,點知摸門釘,不過都慣咗,巷仔入面啲小店好多都無用FB,iG,G-map都未必有,想問佢邊日開都難😄。
咁唯有帶泰妹亂行🚶🏻♂️,途中影下猫咪小毛孩,發掘下新奇舊物,行咗陣老佛爺話攰,剛好行過呢一間Cafe...
Cafe怪怪地,成間野縮咗入去,我哋抬頭一望,左面藍色反白色寫住「บริการซ่อม維修服務」,係專接車冷氣、零件維修;右面就係Cafe正門,後尾先知原來兩間野係同一個老闆,勁😄
推門入去就見到一大座深木色入牆陳列櫃+咖啡檯+收銀櫃,佢連門框窗框Bar檯全部都係同一個Tone,明顯係想同乳白色嘅牆身做強烈對比,帶領客人視線去佢嘅Menu上,贊👍🏻
我有個習慣,去到新店一定要點佢嘅Signature招牌咖啡試下,一見到 “Monte Carlo” 就決定要試,個名讀落感覺好南美,我對拉丁語系的確有半點情意結。
野飲叫完,揀咗個靚位坐低,就聽到磨豆機運動嘅聲音,被研碎嘅豆隨即香氣撲鼻,我望住泰妹背後手繪壁畫開始淘醉起來,原來店名BEGIN係玩食字,既係蜜蜂”BEE”,又係”BEGIN your fresh new day”嘅意思!
未幾,我手上已經揸住一杯招牌MondeCarlo,自覺成個人好南美,實在忍唔住一大啖飲落去,當咖啡經過舌尖,再游走至每一個味蕾,我不自覺地皺起眉頭,發出低沉一聲「😯哦?!」
😱呢陣味好熟悉!
我完全唔敢相信剛才發生嘅事,我即刻要再飲多啖證實。果然!實在太似,太似我由細飲到大嘅「香港鴛鴦!」
我立即走去𥄫多次個Menu,喺MonteCarlo下面寫住一行細字「เอสเพรสโซ+นมสด+ชาแดง」,睇完我企喺度傻笑咗幾秒,濃縮咖啡+鮮奶+紅茶,根本就係鴛鴦!!😆
估唔到一啖之間,小弟味蕾由南美遣返屋企,哈哈🤣。Well,都好嘅,有時想飲鴛鴦都可以去坐下,講講下都有啲掛住屋企「 #香港加油🤞🏻」
Cafe都收得早,平日收6點半,六日收5點半,我哋坐到5點就走人,一行出去就明白點解間店會縮咗入去,原來店前面租咗出去畀推車仔賣泰式豬腳飯,咖啡店一收佢就開,剛好天開始黑,timing夾到啱啱好,共生主義是也😊
點去?
Mrt Sutthisan站,跟G-map行要20分鐘,我都幾鐘意邊行邊睇境,不過如果怕曬怕落雨,建議直行去Ratchadaphisek 17巷街口坐電單車,上車前講 Inthamara 53,20-25฿搞掂!
泰妹同小弟對各樣野嘅評分
(5個係滿分):
🥤Iced Mocha- 50฿(約HK$12.5)
🙆🏻♀️🙆🏻♀🙆🏻♀️️🙆🏻♀️我偷飲咗一啖,有啲甜,但泰妹鐘意😆
🥤Iced Monte Carlo- 50฿(約HK$12.5)
🙆🏻♂️🙆🏻♂️🙆🏻♂️🙆🏻♂️唔錯!會再去飲🤟🏻
💁🏻♀️小攻略💁🏻♂️:
臨離開果條街,食埋門口檔豬腳飯都幾正,對面即刻有電單車坐返去地鐵站,上車前講Mrt佢就明。
——————
店名:Begin Coffee & Bistro
營業:Mon-Fri 08:30-18:30/ Sat-Sun 08:30-17:30
地址:246/1 Soi Pracha Suk, Khwaeng Din Daeng, Khet Din Daeng, Krung Thep Maha Nakhon 10400 https://goo.gl/maps/MJQ8VX7NPNREyrrg6
#香港味 #香港加油 #鴛鴦
#泰國共生主義 #人在泰香港仔日記 #BeginCoffeeBistro #推車仔泰式豬腳飯