【公關有問題】 學術及法律討論請賜教
話說今朝趕完啲嘢,睇一睇手機,除咗之鋒、周庭,仲有消息有個海關督察被停職拘捕。而之鋒、周庭拘捕嘅其中一個原因,係「明知而參與未經批准的集結」。
.
其實收到呢個消息,都唔係好明;同班朋友討論時,更加唔明。所以呢個post真係好想大家指點下同研究下,到底「明知而參與未經批准的集結」係乜東東?
.
根據基本法,香港人係有遊行同集會嘅權利,呢個係政府嘅宣傳片教大家嘅,唔駛我多講啦。而有心朋友搵咗一個2000年嘅政府公報,大家請留意呢一段:
.
//政府發言人今日(十月十日)指出,根據現行《公安條例》,三十人以上的公眾遊行毋須事先向警方申請牌照。主辦者只須於七日前通知警方。
.
至於有批評指現時【主辦者必須於收到警方的「不反對通知書」後方可舉行遊行,並謂此乃一變相的申請牌照制度,發言人說這純屬誤解。】
.
他續稱:「即使在一九九五年至一九九七年間,警方一直都有權根據《公安條例》所指定的理由禁止公眾遊行。這些可作出禁止的有限權力早已存在,而【現時的『不反對通知書』不會削弱市民根據《公民權利和政治權利國際公約》擁有的示威遊行權利。相反,『不反對通知書』使主辦者更清楚了解警方對是次遊行的態度,應有助其籌辦遊行。」】// (【】裡的是公關仔覺得比較重要所以括住俾大家睇)
.
睇返呢個新聞公告,警方發出嘅不反對通知書,係「通卜知」警方,團體需要辦法呢個遊行或者集會,但呢份通知書其實並不是「申請書」。公關仔嘅問題就係,如果這份並不是申請書,即是這個集會或遊行並不需要批準;而政府公報裡面寫得好清楚,「『不反對通知書』使主辦者更清楚了解警方對是次遊行的態度」,是「態度」而已,並不是yes or no,係咪咁嘅意思?
.
公關仔大膽假設一個例子:公關仔考到奬學金入暴大讀書,通知咗兄弟姐妹呢個消息,好快就要搬入宿舍。但係兄弟姐妹反對喎,咁哋公關仔嘅「態度」係口出惡言呀,甚至打我呀,但都無損我可以行使我讀書嘅行動同埋權利。
.
戴返頭盔先,公關仔並不是鼓吹遊行集會不需要向警方申請,事實上公關仔攪大型活動,都需要通知該區警局,讓警方知道當日會有好多人聚集,需要加強警方維持秩序。正常嘅警民合作幾時都需要,而且好應該。
.
但公關仔嘅問題係,如果遊行嘅不反對通知書並不是申請,即是行駛遊行及集會嘅權利並不需要批准,只需要通知而已。「批准」即是批准人不同意就不可以做;但「通知」呢?就係「通知」咗,做唔做唔到被通知嘅人話事喎。
.
如果呢個邏輯係啱嘅,咁「明知而參與未經批准的集結」呢樣東東係乜鬼野?其實出嚟遊行集會,係公安條例下俾香港市民嘅權利,只要我參與嘅係遊行「集會」,就係人會多過3個人出嚟,係無得夾硬話呢個係「集結」。
.
一係警方就將個不反對通知書變成申請,改公安條例,正式蓋棺話遊行集會不合法。如果唔係,「明知而參與未經批准的集結」係唔成立嘅,因為市民參加嘅,只係警方取態不歡迎嘅集會。當警方落到各區,街坊大叫不歡迎都無走,繼續請大家食催淚彈,點解集會警方不歡迎就係集結?
.
阿SIR,我一心係出嚟參加「集會遊行」,我鬼知點解變咗「集結」?明明個個團體寫都係集會喎,佢寫集結,我實唔參加啦!
.
堅係唔明。
大家一齊討論下。最好可以有記者幫手係4點鐘press con問下er er sir,集結同集會係點定性?到底市民點樣可以行使公安條例下嘅集會權利而不被檢控?大家清楚咗咪好囉!
新聞公報傳送門:https://www.info.gov.hk/gia/general/200010/10/1010251.htm
#近來咁多遊行集會大家清楚啲好喎
#最好律師出嚟解釋下
#中文系朋友請問申請同通知嘅分別有無解錯
810扮工室 #麻煩幫我問下你老細
#只有集會沒有集結
press con中文 在 伍富橋 Alvin Ng Facebook 的最讚貼文
有師姐 @hana_kuk 同老板傍住出席人生第一個樂壇頒獎禮press con 表示十分開心同鎮定😬🤓
#冇夾過的
#姊弟裝
#星夢團隊
#Repost @the_voice_ent (@get_repost)
・・・
今日 @hana_kuk @alvinngfukiu 出席 #第四十屆十大中文金曲 #最有前途新人奬 #最佳進步獎 記者會😎
#菊梓喬 #伍富橋 #香港電台 #金曲40
press con中文 在 Michael Lai 黎曉陽 Facebook 的最佳貼文
又到左今年 RTHK 十大中文金曲 Press con.
一年比一年進步!
So proud of this team!
#Frenzimusic #這時這歌 #鄧小巧 #nowhereboyshk #十大中文金曲 #RTHK
press con中文 在 YouTube 的推薦與評價
3 個月任你看,還能省下$30 美元(每月折抵$10 美元),今夏盡情探索精彩電視節目。 免費試用. Surfer Fights Off Shark During Competition · Associated Press. ... <看更多>