常仔正傳（39）
上集講到家居健身已經滿足晤到常仔，需要進化到健身室訓練階段，喺四處打聽下終於知道原來喺工作地點附近就有一間政府的體育中心而內設健身室，一個字，正。
常仔決定單刀赴會，直奔體育中心😤。
到達後，發覺體育中心面積並不大，而健身室就在大門直入的盡處，理所當然地健身室也是屬於比較小型的，記憶中應只有四百尺左右，而主要器材是一陪俗稱八爪魚的器械，有番甘上下健齡的朋友應該知我講乜，啞鈴配置的重量也不重，最大重量的只有30磅，自己屋企果對都重佢小小😓，但健身器械常仔係從來無接觸過，所以縱使現實跟想法有洛差，但對於常仔來講係完全收貨，二話不說，報名是也，這裏的收費分成两個時段，星期一，三，五為一時段，二，四，六是另一時段，每時段月費盛惠＄75，收費確實相宜（註：N年前）😅。
當時在場有一位女教練，中等身材的女士，及後知道佢係兼職，每星期的一至五晚上的六點至八點時段先會見到佢，來到煥然一新的地方，常仔訓練計劃又係點？答案是每次都練全身，胸背手肩腹，絕不練腳（其實當時都晤知道練腳嘅好處，但尼個係大陪份新手的通病，晤好怪常仔😅），正確甘講即係一星期練全身三次。
一周三練全身，表面睇好似密度及強度都太高，但實際上都係一小時內完成，甘快手？原因係每個部份只有一至两個訓練動作，而且常仔當年健身知識有限，什麼分化，力竭，金字塔訓練方法可以話一概不懂，但對於在家訓練經年的身體，不同的健身器械是一定比一對啞鈴所帶來的刺激大很多。
踏出左健身室第一步，往後故事發展又會如何？又係下集講你知😁。
作者：Ryan poon
更多Dream Fitness 學員成功個案請瀏覽：
https://www.dreamfitness.com.hk/?page_id=3936
更多最新健身資訊請瀏覽 Dream Fitness 網站：http://www.dreamfitness.com.hk/
#私人健身中心 #私人健身教練 #星級健身教練 #減肥 #瘦身 #纖體 #香港 #200lbs #music #gym #fitness #練大隻 #健康 #新陳代謝 #水腫
女士啞鈴重量 在 #問女生初學者啞鈴重量 - 健身板 | Dcard 的推薦與評價
想請問女生們剛開始練的時候大概都先拿多重的啞鈴？來問之前有先爬過文，google到的幾乎都是說初學者要練肌耐力先拿自己能夠承受13～20RM的重量， ... ... <看更多>